ఆ రాష్ట్ర ప్రభుత్వం సంచలన నిర్ణయం.. గోవు రాజ్యమాతగా ప్రకటన.. దేశీ ఆవు పెంపకానికి ప్రోత్సాహకాలు
హిందువులకు ఆవుకి విశిష్ట స్థానం ఉంది. గోమాతగా భావించి పుజిస్తారు. ఈ నేపధ్యంలో మహారాష్ట్రలోని ఏక్నాథ్ షిండే ప్రభుత్వం కీలక నిర్ణయం తీసుకుంది. రాజ్యమాతగా దేశీ ఆవుకి హోదాను కల్పిస్తూ ప్రభుత్వం నిర్ణయం తీసుకుంది. భారతీయ సంప్రదాయంలో దేశీ ఆవుకి ప్రత్యెక స్థానం ఉంది. ఆవు పాలు మనుషులకు అత్యంత ఉపయోగం. ఆయుర్వేద వైద్యం, పంచగవ్య చికిత్సా విధానం, సేంద్రీయ వ్యవసాయ విధానాల్లో దేశీ ఆవు పేడ, గోమూత్రం ముఖ్యమైన పాత్రని పోషిస్తాయి. ఆవులకు ఉన్న సాంస్కృతిక ప్రాధాన్యతను దృష్టిలో ఉంచుకుని, ప్రభుత్వం ఈ నిర్ణయం తీసుకున్నట్లు తెలిపింది. భారత సంప్రదాయంలో గోవులకు ప్రత్యేక స్థానం అని.. ఆవులకు ప్రాచీన కాలం నుంచి ఆధ్యాత్మిక, శాస్త్రీయ సైనిక ప్రాముఖ్యతను కలిగి ఉన్నాయని ఉత్తర్వులో పేర్కొంది.