Oplus_131072
కుక్క అడ్డురావడంతో అదుపు తప్పిన బైక్
వ్యక్తికి తీవ్ర గాయాలు… కర్నూలు ప్రభుత్వాసుపత్రికి తరలింపు
కర్నూలు ప్రతినిధి/ వెల్దుర్తి, అక్టోబర్ 04, (కర్నూలు ప్రభ న్యూస్) :
వెల్దుర్తి పట్టణంలోని ఈద్గా మసీదు పక్కన ఉన్న టైలర్ షాపులో టైలర్ గా పనిచేస్తున్న కొసనపల్లె గ్రామానికి చెందిన ఇదుర్ భాష పని ముగించుకుని వెల్దుర్తి నుండి కొసనపల్లె గ్రామానికి బయలుదేరాడు. చెరుకులపాడు సమీపంలో ఉన్న పెద్దమ్మ టెంపుల్ వద్ద కుక్క అడ్డు రావడంతో బైక్ అదుపు తప్పి కింద పడింది. ప్రమాదంలో ఇదుర్ భాషకు తీవ్ర గాయాలయ్యాయి. వెంటనే అక్కడే ఉన్న స్థానికులు 108కి కాల్ చేసి సమాచారం అందించారు. వెంటనే 108 అంబులెన్స్ పైలట్ షేక్ ఉస్మాన్ భాష ఘటన స్థలానికి చేరుకొని గాయపడిన ఇదుర్ భాషకు అత్యవసర చికిత్స అందించి మెరుగైన వైద్యం కోసం108 అంబులెన్స్ వాహనంలో కర్నూలు ప్రభుత్వాసుపత్రికి తరలించారు.
